நீங்கள் தேடியது "பிரபல ரவுடி கைது"

புதுச்சேரி:

புதுவை முத்தியால்பேட்டை சின்னையாபுரத்தை சேர்ந்தவர் செங்கேணி. இவருடைய மகன் அய்யப்பன். (வயது 25). இவர் புதுவை 100 அடி ரோட்டில் உள்ள தனியார் மோட்டார் சைக்கிள் ஷோரூமில் மெக்கானிக்காக வேலை பார்த்து வந்தார்.

கடந்த சில நாட்களுக்கு முன்பு விபத்தில் சிக்கி அய்யப்பன் காயம் அடைந்தார். பின்னர் நண்பர் உதவியுடன் வேலைக்கு சென்று வந்தார்.

அதுபோல் நேற்று மாலை வேலை முடிந்ததும் தனது நண்பர் சங்கர் என்பவருடன் மோட்டார் சைக்கிளில் அய்யப்பன் வீடு திரும்பிக் கொண்டிருந்தார்.

நெல்லித்தோப்பு மணிமேகலை அரசு பெண்கள் பள்ளி அருகே வந்த போது பின்தொடர்ந்து மோட்டார் சைக்கிளில் வந்த கும்பல் திடீரென அய்யப்பனை வழி மறித்தது.

பின்னர் அய்யப்பனை சரமாரியாக அந்த கும்பல் அரிவாளால் வெட்டியது. இதனை தடுக்க முயன்ற சங்கரையும் அந்த கும்பல் தாக்கி விட்டு தப்பி ஓடி விட்டது.

இதில் உயிருக்கு போராடிய அய்யப்பனை உருளையன்பேட்டை போலீசார் மீட்டு புதுவை அரசு ஆஸ்பத்திரியில் சேர்த்தனர். அங்கு தீவிர சிகிச்சை அளித்தும் பலனின்றி அய்யப்பன் இறந்து போனார்.

இந்த கொலை தொடர்பாக போலீசார் வழக்குபதிவு செய்து விசாரணை நடத்தினர். முதல்கட்ட விசாரணையில் அய்யப்பன் கொலை செய்யப்பட்டதற்கான திடுக்கிடும் தகவல் கிடைத்துள்ளது.

அய்யப்பன் கண்டாக்டர் தோட்டத்தை சேர்ந்த பிரபல ரவுடியான விக்கி (25) என்பவரின் தங்கையை காதலித்து வந்துள்ளார். காதலியை திருமணம் செய்து கொள்ளவும் அய்யப்பன் விரும்பினார். இதனை அறிந்த விக்கி இதற்கு எதிர்ப்பு தெரிவித்தார்.

ஏற்கனவே அய்யப்பன் மீது கோட்டக்குப்பம் போலீஸ் நிலையத்தில் கொலை வழக்கு உள்ளதால் விக்கி தனது தங்கையை அய்யப்பனுக்கு திருமணம் செய்து கொடுக்க மறுத்து விட்டார். இதனால் ஆத்திரம் அடைந்த அய்யப்பன் கடந்த சில மாதங்களுக்கு முன்பு விக்கியை தாக்கி உள்ளார்.

அப்போதே அய்யப்பனை தீர்த்துக்கட்ட விக்கி முடிவு செய்தார். ஆனால், விபத்தில் சிக்கி அய்யப்பன் வீட்டிலேயே இருந்ததால் தனது திட்டத்தை நிறைவேற்ற முடியாமல் விக்கி இருந்து வந்தார்.

இந்த நிலையில் கடந்த சில நாட்களாக அய்யப்பன் தனது நண்பர் உதவியுடன் வேலை செய்து வருவதாக விக்கிக்கு தகவல் கிடைத்தது. இதையடுத்து அய்யப்பனை கொல்ல விக்கி திட்டமிட்டார்.

அதன்படி நேற்று மாலை அய்யப்பன் வேலை முடிந்து தனது நண்பர் சங்கருடன் மோட்டார் சைக்கிளில் வீடு திரும்பிக்கொண்டு இருந்த போது விக்கி தனது கூட்டாளிகளுடன் சேர்ந்து அய்யப்பனை வழிமடக்கி அரிவாளால் வெட்டி கொலை செய்தது தெரியவந்தது.

மேலும் விசாரணையில் இந்த கொலை சம்பவத்தில் விக்கியுடன் அவரது கூட்டாளிகளான ஜெய் என்ற ஜெயக்குமார், சோனி உள்ளிட்ட 6 பேர் ஈடுபட்டது தெரியவந்தது.

இதையடுத்து போலீஸ் சூப்பிரண்டு மாறன் உத்தரவின் பேரில் உருளையன் பேட்டை போலீசார் மற்றும் அதிரடிப்படை போலீசார் தீவிர தேடுதல் வேட்டையில் ஈடுபட்டனர். இதில் விக்கி உள்பட 4 பேர் போலீஸ் பிடியில் சிக்கியுள்ளதாக கூறப்படுகிறது.

புதுச்சேரி:

அரியாங்குப்பத்தை அடுத்த ஓடைவெளி பிள்ளையார் கோவில் தெருவை சேர்ந்தவர் அஸ்வின் (வயது 28). பிரபல ரவுடியான இவர் மீது முதலியார் பேட்டை சுப்பு கொலை வழக்கு, விழுப்புரத்தில் நடந்த ஜெனா கொலை வழக்கு,

ஏனாம் ஜெயிலில் மர்டர் மணிகண்டனை கொல்ல முயன்ற வழக்கு மற்றும் லாஸ்பேட்டையில் அரிசி வியாபாரியை வெட்டி கொல்ல முயன்ற வழக்கு உள்ளிட்ட 20-க்கும் மேற்பட்ட வழக்குகள் உள்ளது.

மேலும் முதலியார்பேட்டை, அரியாங்குப்பம், தவளக்குப்பம் பகுதிகளில் கொள்ளை, வழிப்பறி வழக்குகளும் இவர் மீது உள்ளன.

இந்த நிலையில் ஒரு வழக்கில் ஜாமீனில் வெளியே வந்த இவர் தொடர்ந்து தலைமறைவாக இருந்து வந்தார். மேலும் போலீசாரின் பிடியில் சிக்காமல் தனது கூட்டாளிகள் மூலம் தொடர்ந்து குற்ற செயல்களில் ஈடுபட்டு வந்தார்.

இதையடுத்து தேடப்படும் குற்றவாளியாக அறிவித்து அஸ்வினை போலீசார் தேடி வந்தனர். அதோடு அஸ்வினை பிடிக்க பிடிவாரண்டு உத்தரவும் பிறப்பிக்கப்பட்டது. அதிரடிப்படை போலீசார் அஸ்வினை பிடிக்க தீவிர நடவடிக்கையில் ஈடுபட்டனர்.

இந்த நிலையில் ரவுடி அஸ்வின் சின்ன வீராம்பட்டினம் கடற்கரை பகுதியில் பதுங்கி இருப்பதாக அதிரடிப்படை போலீசாருக்கு ரகசிய தகவல் கிடைத்தது.

இதையடுத்து அதிரடிப்படை போலீஸ் இன்ஸ்பெக்டர் கார்த்திகேயன், சப்- இன்ஸ்பெக்டர்கள் ரமேஷ், சந்தோஷ் மற்றும் அரியாங்குப்பம் போலீஸ் இன்ஸ்பெக்டர் செந்தில்குமார், சப்- இன்ஸ்பெக்டர் இளங்கோ மற்றும் போலீசார் சம்பவ இடத்துக்கு விரைந்து சென்றனர்.

அப்போது போலீசாரை பார்த்ததும் ரவுடி அஸ்வின் தப்பி ஓடினார். ஆனால், போலீசார அவரை விரட்டி சென்று மடக்கி பிடித்தனர்.

அவரிடம் இருந்த வீச்சரிவாள், செல்போன், மோட்டார் சைக்கிள் ஆகியவற்றை பறிமுதல் செய்தனர். மேலும் அஸ்வின் 2 பவுன் தங்க செயின் வைத்திருந்தார்.

இது குறித்து அஸ்வினிடம் போலீசார் விசாரித்த போது அந்த செயின் கடந்த சில நாட்களுக்கு முன் புதுக்குளம் பகுதியில் நடந்து சென்ற ஒரு பெண்ணிடம் பறித்ததாக தெரிவித்தார்.

இதையடுத்து தங்க செயினையும் பறிமுதல் செய்து அஸ்வினை கைது செய்தனர். பின்னர் கோர்ட்டில் ஆஜர்படுத்தப்பட்டு காலாப்பட்டு சிறையில் அடைத்தனர்.